സതീശൻ സർക്കാർ ആറ് മാസം; നേട്ടങ്ങളും പ്രതിസന്ധികളും

സതീശൻ സർക്കാർ ആറ് മാസം; നേട്ടങ്ങളും പ്രതിസന്ധികളും

വിഡി സതീശൻ സർക്കാർ അധികാരമേറ്റിട്ട് ഇന്ന് ആറ് മാസം പൂർത്തിയാകുന്നു. ഇതിനിടെ പ്രിയദർശിനി പദ്ധതി, ഓപ്പറേഷൻ തൂഫാൻ, വയോജന വകുപ്പ് എന്നിവയാണ് സർക്കാരിന്റെ വലിയ നേട്ടങ്ങളായി ഉയർത്തിക്കാട്ടുന്നത്.

പക്ഷേ, ഈ ചെറിയ കാലയളവിൽത്തന്നെ അടുപ്പിച്ചുണ്ടാകുന്ന വിവാദങ്ങൾ സർക്കാരിനെ കാര്യമായി ഉലച്ചിരിക്കുകയാണ്.

കൂടിയാലോചനയില്ലാതെ മുഖ്യമന്ത്രി തനിച്ച് തീരുമാനമെടുക്കുന്നുവെന്ന പരാതി മന്ത്രിമാർ ഉൾപ്പെടെ ഉയർത്തുന്നു. ഇത് അസാധാരണമായ പ്രതിസന്ധിയായി മാറിയിരിക്കുകയാണ്. ഗുരുവായൂർ ദേവസ്വം ബോർഡിലേക്കുള്ള അംഗങ്ങളുടെ പട്ടികയിൽ ഒരു വിഭാഗം മന്ത്രിമാർ ഒപ്പിടാൻ തയ്യാറാകാത്തത് വലിയ പ്രതിസന്ധിക്ക് വഴിവെച്ചിരിക്കുന്നു. ഈ വിഷയം മന്ത്രിസഭായോഗത്തിലും മന്ത്രിമാർ ഉന്നയിക്കുമോ എന്നാണ് എല്ലാവരും ഉറ്റുനോക്കുന്നത്.

ഉമ്മൻചാണ്ടി ഇൻഷുറൻസ്, കോളേജ് വിദ്യാർഥിനികൾക്കുള്ള സാമ്പത്തിക സഹായം തുടങ്ങിയ പദ്ധതികൾ ഇതുവരെയും നടപ്പാക്കിയിട്ടില്ല.

വിവാദമായ വൈദ്യുതി കരാറുകളും സർക്കാരിന് തലവേദനയാവുകയാണ്. ഈ കരാറുകളിൽ ജുഡീഷ്യൽ അന്വേഷണം വേണമെന്ന് പ്രതിപക്ഷം ആവശ്യപ്പെട്ടിരിക്കുന്നു.

മന്ത്രിമാർക്കായി 24 പുതിയ കാറുകൾ വാങ്ങാനുള്ള തീരുമാനം, എംഎൽഎമാരുടെയും മന്ത്രിമാരുടെയും ശമ്പളം വർധിപ്പിച്ചത്, ഐപാഡ് വാങ്ങൽ എന്നിവയും ചർച്ചയായിട്ടുണ്ട്.