ആലപ്പുഴ: തുറവൂർ താലൂക്ക് ആശുപത്രി കെട്ടിടത്തില് തീപിടിത്തം. മരുന്നുകള് സൂക്ഷിച്ച ഗോഡൗണിലാണ് തീ പടർന്നത്.ആശുപത്രി കെട്ടിടത്തിന്റെ മൂന്നാം നിലയിലാണ് സംഭവം.തീ അണയ്ക്കാനുള്ള ശ്രമം തുടരുന്നു. വലിയ രീതിയില് പുക ഉയരുന്നത് കണ്ട് ആളുകളെല്ലാം പരിഭ്രാന്തിയിലാണ്. തീപിടിത്തത്തെ തുടർന്ന് താലൂക്ക് ആശുപത്രിയിലെ രോഗികളെ മാറ്റി.
രോഗികളെ ചേർത്തല താലൂക്ക് ആശുപത്രിയിലേയ്ക്ക് മാറ്റിയതായി ആശുപത്രി അധികൃതർ അറിയിച്ചു. ആർക്കും കാര്യമായ പരിക്ക് ഇല്ലെന്നാണ് ലഭ്യമാകുന്ന വിവരം. എസിയില് നിന്ന് ഉണ്ടായ ഷോർട്ട് സർക്യൂട്ട് ആണ് തീപിടുത്തത്തിന് കാരണമെന്നാണ് പ്രാഥമിക നിഗമനം