ഞായർ, 22 നവംബർ 2026 പരസ്യങ്ങൾക്ക്: 9207249616
1ചക്കുളത്തുകാവ് പൊങ്കാല: നവംബർ 24ന് ആലപ്പുഴ ജില്ലയിൽ പ്രാദേശിക അവധി.2നവംബർ 30 വരെ പ്രതിദിനം 5,000 പേർക്ക് കൂടി വെർച്വൽ ക്യൂ വഴി ദർശനത്തിന് അവസരമൊരുക്കിയിട്ടുണ്ട്.3എറണാകുളം ഡിപ്പോയിൽ നിന്ന് പമ്പയിലേക്ക് 24 മണിക്കൂറും ബസ് സർവീസ് ഏർപ്പെടുത്തി.4കേരള പി.എസ്.സി വിജ്ഞാപനം. 18 കാറ്റഗറികളിലേക്കുള്ള (175/2026 മുതൽ 192/2026 വരെ) പുതിയ വിജ്ഞാപനം പുറത്തിറങ്ങി. അപേക്ഷിക്കാനുള്ള അവസാന തീയതി ഡിസംബർ 16 ആണ്
ബ്രേക്കിങ് ന്യൂസ്
News Update

മഴ വീണ്ടും കനക്കും; 24ന് ശക്തമായ മഴ

അപ്ഡേറ്റ്: October 23, 2026 8:19 am 1 മിനിറ്റ് വായന
ഷെയർ: WhatsApp Facebook

തിരുവനന്തപുരം: കേരളത്തില്‍ മഴ തുടരുമെന്ന് കാലാവസ്ഥാ വകുപ്പ്. സെപ്റ്റംബര്‍ 24ന് സംസ്ഥാനത്ത് ഒറ്റപ്പെട്ട ശക്തമായ മഴയ്‌ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ബംഗാള്‍ ഉള്‍ക്കടലിലെ ന്യൂനമര്‍ദത്തിന്റെ സ്വാധീനമാണ് മഴയ്‌ക്ക് കാരണമാകുന്നത്. നിലവിലെ സാഹചര്യത്തില്‍ മഴക്കെടുതി നേരിടുന്ന മേഖലകളില്‍ പ്രത്യേക ജാഗ്രത തുടരുകയാണ്. കോട്ടയം, ഇടുക്കി ജില്ലകളില്‍ കനത്ത മഴയെ തുടര്‍ന്ന് മണ്ണിടിച്ചിലും മറ്റ് അപകടങ്ങളും റിപ്പോര്‍ട്ട് ചെയ്ത സാഹചര്യത്തില്‍ ജില്ലാ ഭരണകൂടങ്ങള്‍ സ്ഥിതിഗതികള്‍ നിരീക്ഷിച്ചുവരികയാണ്.

മഴ ശക്തമായ സാഹചര്യത്തില്‍ സ്ഥിതിഗതികള്‍ മണിക്കൂര്‍ അടിസ്ഥാനത്തില്‍ വിലയിരുത്താന്‍ മുഖ്യമന്ത്രി വി.ഡി. സതീശന്‍ നിര്‍ദേശം നല്‍കി. ഇതിന്റെ അടിസ്ഥാനത്തില്‍ ദുരന്തനിവാരണ അതോറിറ്റി കമ്മീഷണര്‍ വി. വസന്തകുമാരി ഇടുക്കി, കോട്ടയം ജില്ലാ കളക്ടര്‍മാരുമായി ദുരന്തനിവാരണ അതോറിറ്റി കമ്മീഷണര്‍ യോഗം ചേര്‍ന്ന് സ്ഥിതിഗതികള്‍ വിലയിരുത്തി. ഇരു ജില്ലകളിലും കാലാവസ്ഥാ മുന്നറിയിപ്പ് സംബന്ധിച്ച എസ്.എം.എസ് അലര്‍ട്ടുകള്‍ നല്‍കിയിട്ടുണ്ട്. സാഹചര്യം വിലയിരുത്തി ആവശ്യമായ മുന്‍കരുതല്‍ നടപടികളും ഒഴിപ്പിക്കലും ഉള്‍പ്പെടെയുള്ള നടപടികള്‍ സ്വീകരിക്കാന്‍ കളക്ടര്‍മാര്‍ക്ക് നിര്‍ദേശം നല്‍കിയിട്ടുണ്ട്.

Advertisement

അതിനിടെ മലപ്പുറം നിലമ്പൂര്‍ അമരമ്പലം ടി.കെ. കോളനി മേഖലയില്‍ അഞ്ചുപേര്‍ ഒഴുക്കില്‍പ്പെട്ടതായി വിവരം ലഭിച്ചതിനെ തുടര്‍ന്ന് പ്രത്യേക രക്ഷാപ്രവര്‍ത്തന നടപടികള്‍ സ്വീകരിച്ചു. മേഖലയില്‍ ദുരന്തനിവാരണ സേനയുടെ പ്രത്യേക സംഘത്തെ വിന്യസിക്കാന്‍ മുഖ്യമന്ത്രിയുടെ നിര്‍ദേശമുണ്ട്. കേരളത്തില്‍ കഴിഞ്ഞ ദിവസങ്ങളിലുണ്ടായ കനത്ത മഴയില്‍ കോട്ടയം, ഇടുക്കി, മലപ്പുറം ജില്ലകളില്‍ മണ്ണിടിച്ചില്‍, മലവെള്ളപ്പാച്ചില്‍ തുടങ്ങിയ ദുരന്തങ്ങളുണ്ടായി. കോട്ടയം-ഇടുക്കി മലയോര മേഖലകളില്‍ മഴ തുടരുന്നതിനാല്‍ യാത്രക്കാര്‍ക്കും താഴ്ന്ന പ്രദേശങ്ങളിലുള്ളവര്‍ക്കും ജാഗ്രത നിര്‍ദേശമുണ്ട്

വാർത്തകൾ ആദ്യം അറിയാൻ ഞങ്ങളുടെ WhatsApp ചാനലിൽ ചേരൂ ജോയിൻ ചെയ്യുക
ഷെയർ: WhatsApp Facebook

ബന്ധപ്പെട്ട വാർത്തകൾ