പന്തളം: വയലാറിന്റെ പാട്ടും കവിതകളുമായി ഇപ്റ്റ പന്തളം യൂണിറ്റിന്റെ വയലാർ അനുസ്മരണ വാർഷിക ദിനാചരണം വ്യത്യസ്തമായി. പന്തളം എം സുകുമാരപിള്ള സ്മാരക പഠനകേന്ദ്രത്തിൽ നടന്ന അനുസ്മരണ പരിപാടിയിൽ നിരവധി കലാകാരന്മാർ പങ്കെടുത്തു. കായിക അധ്യാപകൻ മനോജിന്റെ പുല്ലാങ്കുഴൽ വാദ്യത്തോടെ ആയിരുന്നു പരിപാടി ആരംഭിച്ചത്.
പ്രസന്ന ഇളമണ്ണൂരും സംഘവും നാടൻ പാട്ട് അവതരിപ്പിച്ചു. ബിജു കണ്ണങ്കര, ബിപിൻ ഭാസ്കർ, വിജു, മഞ്ജുനാഥ്, ബിനു, ബൈജു മണ്ണിക്കാലായിൽ, കെ കെ കലേശൻ, മധു എന്നിവർ ഗാനങ്ങളും സന്തോഷ് വർമ പന്തളീയൻ, അജിത ശശിധരൻ, പന്തളം പ്രഭ, നൂർജ്ജഹാൻ ബീഗം, അപർണ്ണ എന്നിവർ കവിതകളും ആലപിച്ചു.
പരിപാടി ഇപ്റ്റ സംസ്ഥാന എക്സി. അംഗം അടൂർ ഹിരണ്യ ഉദ്ഘാടനം ചെയ്തു. യൂണിറ്റ് പ്രസിഡന്റ് എ ബിജു, സെക്രട്ടറി ബി അജിത കുമാർ, ട്രഷറർ സുമോദ് കണ്ണങ്കര, ഡ്രീംകുമാർ, കെസുനിൽകുമാർ, ബി രാജേഷ്, ശിവൻകുട്ടി, ബാലചന്ദ്രൻ എന്നിവർ നേതൃത്വം നൽകി.