ആലപ്പുഴ മാവേലിക്കരയിൽ നൂറനാട് ആറ്റുവ വിവേകാനന്ദ വിദ്യാപീഠത്തിൽ വിത്യസ്ഥമായ യോഗ പ്രദർശനം നടന്നു..യോഗ പ്രദർശനത്തിന്‍റെ ഔദ്യോഗിക ഉദ്ഘാടനം പാറ്റൂർ ഹോമിയോ മെഡിക്കൽ ഓഫീസർ ഡോ ജെസ്സി നിര്‍വഹിച്ചു . അതിനുശേഷം വിദ്യാലയ യോഗാടീമിന്‍റെ യോഗ പ്രദർശനം പ്രധാന കേന്ദ്രങ്ങളിൽ നടന്നു .
യോഗത്തിൽ വിദ്യാലയ പ്രിൻസിപ്പൽ ആർ ശാന്തകുമാർ അധ്യക്ഷത വഹിച്ചു . വിദ്യാലയ സമിതി പ്രസിഡൻറ് അഡ്വക്കേറ്റ് കെ കെ അനൂപ് മുഖ്യപ്രഭാഷണം നടത്തി . വിദ്യാർഥിനിയായ ശിവചന്ദ്ര യോഗ ദിന സന്ദേശം നൽകി . വിദ്യാലയ സമിതി ട്രഷറർ നിർമ്മല, സമിതി അംഗങ്ങളായ ഹരികൃഷ്ണൻ , മിഥുന്‍, വിദ്യാലയ മാതൃസമിതി പ്രസിഡൻറ് അർച്ചന ഹരീഷ് , സെക്രട്ടറി അഞ്ജലി അരുൺ വൈസ് പ്രിന്‍സിപ്പല്‍ ടി ആര്‍ രാജശ്രീ ,അധ്യാപകരായ ശ്രീജ ,ദീപ, ശാലു തുടങ്ങിയവർ പങ്കെടുത്തു.
പടനിലം ജംഗ്ഷനിൽ നടന്ന യോഗ പ്രദർശനം നൂറനാട് ഗ്രാമപഞ്ചായത്ത് വൈസ് പ്രസിഡൻറ് അജി കുമാർ ഉദ്ഘാടനം ചെയ്തു. വെണ്മണി കല്യാത്ര ജംഗ്ഷനിൽ ലയോള കോളേജ് മുൻ പ്രിൻസിപ്പൽ ജേക്കബ് ഉദ്ഘാടനം ചെയ്തു..