കൊല്ലം: വില്‍പനയ്‌ക്ക് എത്തിച്ച ആറ് കിലോഗ്രാം കഞ്ചാവുമായി രണ്ട് പേർ പിടിയില്‍. കുണ്ടറ പടപ്പക്കര സ്വദേശികളായ അനില്‍, ലിജു എന്നിവരാണ് പിടിയിലായത്. കൊല്ലം റെയില്‍വേ സ്റ്റേഷൻ പരിസരത്ത് നിന്നാണ് ഡാൻസാഫ് സംഘം പ്രതികളെ പിടികൂടിയത്. ഇരുവരും കഞ്ചാവിന്‍റെ മൊത്തക്കച്ചവടക്കാരാണെന്ന് പോലീസ് പറഞ്ഞു. ഒഡീഷയില്‍ നിന്നാണ് നിന്നാണ് പ്രതികള്‍ കഞ്ചാവ് വാങ്ങിയതെന്ന് പോലീസ് കണ്ടെത്തിയിട്ടുണ്ട്.
അസിസ്റ്റന്‍റ് കമ്മീഷണർ ഷെരീഫിന് ലഭിച്ച രഹസ്യ വിവരത്തെത്തുടർന്ന് പോലീസ് നിരീക്ഷണം നടത്തുകയായിരുന്നു. ഇതിനിടെയാണ് റെയില്‍വേ സ്റ്റേഷൻ പരിസരത്ത് നിന്ന് ഡാൻസാഫ് അംഗങ്ങള്‍ ഇരുവരേയും പിടികൂടിയത്. സബ് ഇൻസ്പെക്ടർ സായി സേനൻ, എസ്‌ഐമാരായ ഹരിലാല്‍, ബൈജു ജെറോം, അസിസ്റ്റന്‍റ് സബ് ഇൻസ്പെക്ടർ സുനില്‍, സീനു, മനു സാജു, സിവില്‍ പോലീസ് ഓഫീസർ ദിലീപ്, അനു, തുശാന്ത് എന്നിവർ ചേർന്നാണ് പ്രതികളെ പിടികൂടിയത്.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു