കൊച്ചി: വീര്യം കൂടിയ ലഹരിമരുന്നുമായി മോഡൽ ഉൾപ്പടെ ആറുപേരെ കൊച്ചി എളമക്കരയിലെ ലോഡ്ജിൽ നിന്നും പോലീസ് പിടികൂടി. വരാപ്പുഴ സ്വദേശിനിയായ അൽക്കാ ബോണി, തൊടുപുഴ സ്വദേശി ആശിഖ് അൻസാരി, പാലക്കാട് സ്വദേശികളായ സൂരജ്, രഞ്ജിത്ത്, ഷൊർണൂർ സ്വദേശി മുഹമ്മദ് അസർ, തൃശൂർ സ്വദേശി അബിൽ ലൈജു എന്നിവരാണ് കസ്റ്റഡിയിലുള്ളത്. പൊലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് കൊക്കെയിൻ, മെത്താംഫിറ്റമിൻ, കഞ്ചാവ് എന്നിവ പിടികൂടിയത്. കഴിഞ്ഞ ഒരാഴ്ചയായി സംഘം എളമക്കരയിലെ ലോഡ്ജിൽ താമസിച്ച് വരികയായിരുന്നു.