ഇടുക്കി: വണ്ടിപ്പെരിയാർ തേങ്ങാക്കൽ എസ്റ്റേറ്റ്110 ഭാഗത്താണ് തൊഴിലാളികളുമായി എത്തിയ ലോറി മറിഞ്ഞ് അപകടം നടന്നത്.അപകടത്തിൽ ആസാം സ്വദേശികളായ ജൈറുൾഹഖ്(31), സിറാജലി(30) എന്നിവർ മരിച്ചു. കൂടാതെ വാഹനത്തിൽ സഞ്ചരിച്ചിരുന്ന അഞ്ചോളം അന്യസംസ്ഥാന തൊഴിലാളികൾക്കും, എസ്റ്റേറ്റ് ലോഡിങ് തൊഴിലാളിക്കും പരിക്കേറ്റു.
അപകടത്തിൽ പരിക്കേറ്റവരെ ആശുപത്രിയിൽ എത്തിക്കാൻ ശ്രമിക്കുന്നതിനിടെ അപകടത്തിൽപ്പെട്ട് ഓട്ടോ ഡ്രൈവർക്കും പരിക്കേറ്റു.പരിക്കേറ്റവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു