കൊച്ചി: ഊബർ, ഒല തുടങ്ങിയ ഓൺലൈൻ പ്ലാറ്റ്ഫോമുകളിലൂടെ വർക്ക് ചെയ്യുന്ന ടാക്സി ഡ്രൈവർമാർ ഇന്ന് പണിമുടക്കുന്നു. രാവിലെ ആറ് മുതല്‍ രാത്രി പത്ത് വരെയാണ് ഓണ്‍ലൈന്‍ ടാക്സി ഡ്രൈവര്‍മാരുടെ പണിമുടക്ക് പ്രഖ്യാപിച്ചിട്ടുളളത്. ഇന്ന് രാവിലെ ആറ് മുതല്‍ രാത്രി 10 വരെയാണ് എല്ലാ ഓണ്‍ലൈന്‍ പ്ലാറ്റ്‌ഫോമുകളും ബഹിഷ്‌കരിച്ചുകൊണ്ട് പണിമുടക്ക് നടത്താന്‍ ഓണ്‍ലൈന്‍ ടാക്സി ഡ്രൈവേഴ്‌സ് കൂട്ടായ്മ തീരുമാനിച്ചിട്ടുള്ളത്.
ഓരോ ട്രിപ്പിനും കമ്മീഷന്‍ കൂടാതെ 49 രൂപ പ്ലാറ്റ്‌ഫോം ഫീസ് കമ്പനി ഏര്‍പ്പെടുത്തിയതും, മുന്നറിയിപ്പില്ലാതെ അക്കൗണ്ടുകള്‍ ബ്ലോക്ക് ചെയ്യുന്നതും, 2017 ന് മുന്നേ ഉള്ള ടാക്സി വാഹനങ്ങളുടെ ഇന്റര്‍ സിറ്റി ഓപ്ഷന്‍ എടുത്തുകളഞ്ഞതും ഉൾപ്പെടെയുള്ള തൊഴിലാളി വിരുദ്ധ നടപടികളില്‍ പ്രതിഷേധിച്ചാണ് ഡ്രൈവേഴ്‌സ് കൂട്ടായ്മ പണിമുടക്കുമായി രംഗത്ത് വന്നത്