കൊച്ചി: കുട്ടിയാന വീട്ടുമുറ്റത്തെ കിണറ്റില്‍ വീണു. മലയാറ്റൂർ ഇല്ലിത്തോട് ഇന്ന് പുലർച്ചെയാണ് സംഭവം. സാജു എന്നയാളുടെ വീട്ടിലെ കിണറ്റിലാണ് കുട്ടിയാന വീണത്. വിവരമറിഞ്ഞ് വനംവകുപ്പ് ഉദ്യോഗസ്ഥർ സ്ഥലത്ത് എത്തിയിട്ടുണ്ട്.
സമീപത്ത് കാട്ടാനക്കൂട്ടം നിലയുറപ്പിച്ചിരിക്കുന്നതിനാല്‍ ഉദ്യോഗസ്ഥർക്ക് കിണറിനടുത്തേക്ക് എത്താൻ സാധിച്ചിട്ടില്ല. കാട്ടാനകളെ തുരത്തിയ ശേഷം കുട്ടിയാനയെ കിണറ്റില്‍ നിന്ന് കയറ്റാനുള്ള ശ്രമത്തിലാണ് വനംവകുപ്പ് ഉദ്യോഗസ്ഥർ. സമീപ പ്രദേശത്ത് മൂന്ന് മാസം മുൻപും കുട്ടിയാന കിണറ്റില്‍ വീണിരുന്നു