തിരുവനന്തപുരം കാട്ടാക്കട റബ്ബർ തോട്ടത്തില്‍ സ്ത്രീ മരിച്ച നിലയില്‍. മുതിയവിള കാവുവിളയില്‍ വാടകക്ക് താമസിക്കുന്ന പേരൂർക്കട സ്വദേശിനി മായ മുരളിയെയാണ് മരിച്ച നിലയില്‍ കണ്ടെത്തിയത്. താമസിക്കുന്ന വീടിന് 100 മീറ്റർ അകലെയുള്ള റബ്ബർ തോട്ടത്തിലാണ് മൃതദേഹം കണ്ടത്. റബ്ബർ ടാപ്പിംഗ് തൊഴിലാളിയാണ് മൃതദേഹം കണ്ട് പോലീസിനെ വിവരം അറിയിച്ചത്. കാട്ടാക്കട ഡിവൈഎസ്പി ഉള്‍പ്പെടെയുള്ള സംഘം സ്ഥലത്തെത്തി പരിശോധന നടത്തി. സംഭവത്തില്‍ ദുരൂഹതയുണ്ടെന്ന് കുടുംബം ആരോപിച്ചു.