ചങ്ങനാശ്ശേരിില്‍ രണ്ട് കേസുകളിലായി കഞ്ചാവ് വില്‍പ്പന നടത്തിയ രണ്ട്‌പേരെ എക്സൈസ് അറസ്റ്റ് ചെയ്തു. ഷിജോയെന്ന ആളെ 1.1 കിലോഗ്രാം കഞ്ചാവുമായും റെനീഷ് എന്നയാളെ 1.124 കിലോഗ്രാം കഞ്ചാവുമായുമാണ് അറസ്റ്റ് ചെയ്തത്. ആവശ്യക്കാര്‍ക്ക് അഥീവ രഹസ്യമായി കഞ്ചാവ് വില്‍പ്പന നടത്തുകയായിരുന്നു ഇവരെന്ന് എക്സൈസ് സംഘം പറഞ്ഞു.
പരിശോധനയില്‍ കഞ്ചാവ് തൂക്കി ചില്ലറ വില്‍പന നടത്തുന്നതിന് ഉപയോഗിക്കുന്ന ഇലക്‌ട്രോണിക് ത്രാസും കണ്ടെത്തിയിട്ടുണ്ട്. റെയ്ഡില്‍ അസിസ്റ്റന്റ് എക്സൈസ് ഇന്‍സ്‌പെക്ടര്‍ ഉണ്ണികൃഷ്ണന്‍.എ.എസ്, സിവില്‍ എക്സൈസ് ഓഫീസര്‍മാരായ ഗോപകുമാര്‍ പി ബി, അമല്‍ദേവ്, കെ ഷിജു, സിവില്‍ എക്സൈസ് ഓഫീസര്‍ ഡ്രെവര്‍ റോഷി വര്‍ഗീസ് എന്നിവര്‍ പങ്കെടുത്തു.