പ്രതീക്ഷകളോടെ പുതുവര്‍ഷത്തെ വരവേറ്റ് ലോകം. നാടെങ്ങും ആഘോഷത്തിമിര്‍പ്പിലാണ്. രാജ്യത്തെ വിവിധയിടങ്ങളില്‍ ആവേശത്തിലാണ് ആഘോഷങ്ങള്‍. കേരളത്തിലെ ഏറ്റവും വലിയ പുതുവത്സരാഘോഷങ്ങളില്‍ ഒന്നായ ഫോര്‍ട്ട് കൊച്ചിയിലെ ആഘോഷത്തില്‍ പരേഡ് ഗ്രൗണ്ടിലെ പപ്പാഞ്ഞിയെ കത്തിച്ച്‌ 2024ന് തുടക്കം കുറിച്ചു. കോട്ടയം വടവാതൂരിലും പപ്പാഞ്ഞിയെ കത്തിച്ച്‌ പുതുവര്‍ഷത്തെ വരവേറ്റു.
കൂടാതെ വിവിധയിടങ്ങളില്‍ പുതുവത്സരാഘോഷം ആവേശത്തിലേക്ക് കടന്നു. കേരളത്തിലെ പലയിടത്തെയും പുതുവത്സരാഘോഷത്തില്‍ കര്‍ശന സുരക്ഷയാണ് ഒരുക്കിയിരിക്കുന്നത്. ഡല്‍ഹിയിലും മുംബൈയിലും കടുത്ത നിയന്ത്രണങ്ങള്‍ ഏര്‍‌പ്പെടുത്തിയിരുന്നു. രാജ്യത്തെമ്ബെടും ആഘോഷപരിപാടികള്‍ ആവേശത്തിലാണ്. പുതുവത്സരാഘോഷങ്ങളുടെ പശ്ചാത്തലത്തില്‍ ഫോര്‍ട്ട് കൊച്ചിയിലും തിരുവനന്തപുരത്തും സുരക്ഷ കര്‍ശനമാക്കിയിരുന്നു.
തിരുവനന്തപുരത്തെ മാനവീയം വീഥിയിലും കനകക്കുന്നിലുമെല്ലാം ആളുകളാണ് നിറഞ്ഞിരിക്കുകയാണ്. ആലപ്പുഴ, കോഴിക്കോട് തുടങ്ങിയ സംസ്ഥാനത്തെ എല്ലാ ജില്ലകളിലും വിവിധയിടങ്ങളിലായി പുതുവത്സരാഘോഷം നടക്കുന്നുണ്ട്.
ഇന്ത്യൻ സമയം മൂന്നരയ്ക്ക് കിരിബാത്തി ദ്വീപുകളിലാണ് പുതുവര്‍ഷം ആദ്യമെത്തിയത്. പിന്നാലെ വര്‍ണശബളമായ വെടിക്കെട്ടോടെയാണ് നാലരയോടെ ന്യൂസീലൻഡ് പുതുവര്‍ഷത്തെ വരവേറ്റത്. ഇന്ത്യൻ സമയം പുലര്‍ച്ച അഞ്ചരയോടെയാരിക്കും യുകെയിലും രാവിലെ പത്തരയ്ക്കും അമേരിക്കയിലും പുതുവര്‍ഷം എത്തും