തിരുവനന്തപുരം: പെണ്‍കുട്ടികള്‍ താമസിക്കുന്ന വീട്ടിലെ കുളിമുറിയില്‍ ഒളിക്യാമറ വെച്ചയാള്‍ പിടിയില്‍. നന്തൻകോട് എൻ.എൻ.എ.ആർ.എ. 138 ചന്ദ്രഭവനില്‍ അനില്‍ദാസി(37)നെയാണ് മ്യൂസിയം പോലീസ് അറസ്റ്റുചെയ്തത്. ഇയാളുടെ വീടിന് സമീപത്ത് പരീക്ഷാ പരിശീലനത്തിനെത്തിയ വിദ്യാർഥിനികള്‍ വാടകയ്ക്ക് താമസിക്കുന്നുണ്ട്.
കഴിഞ്ഞ ദിവസം രാത്രി ഒമ്ബതോടെയാണ് അനില്‍ ദാസ് വീട്ടുവളപ്പില്‍ കയറിയത്. തുടർന്ന് കുളിമുറിയില്‍ മൊബൈല്‍ വെച്ച്‌ റെക്കോഡ് ചെയ്യാൻ ശ്രമിച്ചതോടെയാണ് വിദ്യാർഥിനി കണ്ടത്. ഇവിടെനിന്ന് രക്ഷപ്പെടാൻ ശ്രമിച്ച അനില്‍ദാസിനെ നാട്ടുകാർ പിടികൂടി മ്യൂസിയം പോലീസില്‍ ഏല്‍പ്പിക്കുകയായിരു ന്നു.