തിരുവനന്തപുരം: വെള്ളറട ചിമ്മണ്ടിക്കുളത്തില്‍ പതിനാലുകാരൻ മുങ്ങി മരിച്ചു. കുന്നത്തുകാല്‍ ചാവടി പുളിയറത്തല വിജയൻ – കല ദമ്ബതികളുടെ മകൻ അഭിനവാണ് മരിച്ചത്. നാലു സുഹൃത്തുക്കള്‍ക്കൊപ്പം കുളത്തില്‍ കുളിക്കാൻ പോയപ്പോള്‍ കുളത്തിന്റെ പടിയില്‍നിന്ന് കാല്‍ വഴുതി വെള്ളത്തില്‍ വീഴുകയായിരുന്നു.
ഒപ്പമുണ്ടായിരുന്ന മൂന്നു സുഹൃത്തുക്കള്‍ക്കും നീന്തല്‍ അറിയില്ലായിരുന്നു. കുട്ടികളുടെ നിലവിളികേട്ട് നാട്ടുകാരെത്തിയാണ് അഭിനവിനെ പുറത്തെത്തിച്ചത്. ഉടൻതന്നെ കാരക്കോണം മെഡിക്കല്‍ കോളേജില്‍ എത്തിച്ചെങ്കിലും ജീവൻ രക്ഷിക്കാനായില്ല. കാരക്കോണം പി.പി.എം.എച്ച്‌.എസ്സില്‍ പത്താം ക്ലാസില്‍ പരീക്ഷ എഴുതി റിസള്‍ട്ട് വരാൻ കാത്തിരിക്കുകയായിരുന്നു. മൃതദേഹം കാരക്കോണം മെഡിക്കല്‍ കോളേജില്‍ മോർച്ചറിയില്‍ സൂക്ഷിച്ചിരിക്കുകയാണ്.