പാലക്കാട്: കെപിഎം ഹോട്ടലിലെ പാതിരാ പരിശോധനാ വിവാദത്തില്‍ പുതിയ ദൃശ്യങ്ങള്‍ പുറത്തുവിട്ട് സിപിഎം. ട്രോളി ബാഗ് കയറ്റിയ വാഹനത്തിലല്ല രാഹുല്‍ മാങ്കൂട്ടത്തില്‍ കയറുന്നതെന്ന് ദൃശ്യങ്ങളില്‍ വ്യക്തമാണ്. രാഹുല്‍ സഞ്ചരിച്ച വാഹനത്തിന്റെ പിന്നിലാണ് ബാഗ് കയറ്റിയ കാർ പോകുന്നത്.
കഴിഞ്ഞ ദിവസം ഹോട്ടലിനകത്തുനിന്നുള്ള സിസിടിവി ദൃശ്യങ്ങള്‍ പുറത്തുവന്നിരുന്നു. സിപിഎം നേതാക്കള്‍ കള്ളപ്പണ ഇടപാട് ആരോപണം ഉന്നയിക്കുന്ന നീല ട്രോളി ബാഗുമായി കെഎസ്യു നേതാവ് ഫെനി നൈനാൻ ഹോട്ടലില്‍ എത്തുന്ന ദൃശ്യങ്ങളാണ് ഇന്നലെ പുറത്തുവന്നത്. രാഹുല്‍ മാങ്കൂട്ടത്തിലും ഷാഫി പറമ്ബില്‍, വി.കെ ശ്രീകണ്ഠൻ എന്നിവരും ദൃശ്യങ്ങളിലുണ്ട്.