കഞ്ഞിക്കുഴി: നിയന്ത്രണം വിട്ട കാർ തുണിക്കടയിലേക്ക് ഇടിച്ചു കയറി അപകടം. കാർ ഇടിച്ചുകയറിയുണ്ടായ അപകടത്തില്‍ തുണിക്കടയ്ക്ക് കാര്യമായ നാശനഷ്ടം സംഭവിച്ചു. കടക്കുമുന്നില്‍ പാർക്ക് ചെയ്തിരുന്ന സ്കൂട്ടർ ഇടിച്ച്‌ തെറിപ്പിച്ച ശേഷമാണ് കാർ കടയിലേക്ക് ഇടിച്ചു കയറിയത്.
ആലപ്പുഴ കഞ്ഞിക്കുഴിയില്‍ ഞായറാഴ്ച വൈകിട്ട് 4 നാലുമണിയോടെയാണ് സംഭവം. ജി എസ് ആർ ടെക്സ്റ്റൈല്‍സെന്ന സ്ഥാപനത്തിലേക്കാണ് കാർ ഇടിച്ചു കയറിയത്. കടയുടെ മുൻഭാഗത്തുള്ള ക്ലാസുകള്‍ പൂർണമായും തകർന്നു. തുണി വാങ്ങാൻ എത്തിയ ആളുടെ സ്കൂട്ടറാണ് കാർ ഇടിച്ചു തകർത്തത്. സംഭവത്തില്‍ മാരാരിക്കുളം പൊലീസ് കേസെടുത്തിട്ടുണ്ട്.