കോഴിക്കോട് റൂറല്‍ ജില്ലയില്‍ ഒന്നര മാസത്തിനിടെ ഓപറേഷൻ ഡി ഹണ്ടിന്റെ ഭാഗമായി പൊലീസ് 408 കേസുകള്‍ രജിസ്റ്റർ ചെയ്തു.
ലഹരിയുമായി ബന്ധപ്പെട്ട് ആക്രമണ പ്രവർത്തനങ്ങളും കൊലപാതകവുമുള്‍പ്പെടെ നടന്നതിന്റെ പാശ്ചാത്തലത്തിലാണ് ജില്ല പൊലീസ് മേധാവി കെ.ഇ. വൈജുവിന്റെ നേതൃത്വത്തില്‍ ഓപറേഷൻ ഡി. ഹണ്ടിന്റെ ഭാഗമായി പ്രത്യേക പരിശോധന നടത്തിയത്.
സംഭവത്തില്‍ ലഹരിയുമായി ബന്ധപ്പെട്ട് 425ഓളം പ്രതികളെ അറസ്റ്റുചെയ്തു. 106.354 ഗ്രാം എം.ഡി.എം.എ, 15.69 കി.ഗ്രാം കഞ്ചാവ്, 343 കഞ്ചാവ് ബീഡി, 14.77 ഗ്രാം മെത്തഫെറ്റമിൻ, 1.8 ഗ്രാം ബ്രൗണ്‍ ഷുഗർ, അഞ്ച് നൈട്രാസിപ്പാം ടാബ്ലറ്റ്, ഒരു കഞ്ചാവ് ചെടി എന്നിവ പിടികൂടി.
അറസ്റ്റിലായവരില്‍ ചിലരെ കാപ്പ ചുമത്തി നാടുകടത്തി. താമരശ്ശേരിയിലുണ്ടായ കൊലപാതകത്തിന്റെയും ആക്രമണ സംഭവങ്ങളുടെയും അടിസ്ഥാനത്തില്‍ ലഹരിക്കെതിരെ റൂറല്‍ ജില്ല പൊലീസ് ജനകീയ പ്രതിരോധ കൂട്ടായ്മ സംഘടിപ്പിക്കുമെന്ന് ജില്ല മേധാവി അറിയിച്ചു.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു