അങ്കമാലി: അപ്രതീക്ഷിതമായി വന്ന ദുരന്തവാർത്തയിൽ ഒരു നാടു മുഴുവൻ ഞെട്ടിത്തരിച്ചു. അങ്കമാലിയിലാണ് ഇക്കഴിഞ്ഞ രാത്രിയിൽ വീടിന് തീപിടിച്ച് നാല് പേർ ദാരുണമായി മരിച്ചത്. അങ്കമാലി ടൗൺ കോളനിക്കടുത്ത് പറക്കുളത്ത് താമസിക്കുന്ന അയ്യമ്പിള്ളി വീട്ടിൽ ബിനീഷ് കുര്യൻ(45), ഭാര്യ അനു(40), മക്കളായ ജോവാന ബിനീഷ്(8), ജെസ്വിൻ ബിനീഷ്(5) എന്നിവരാണ് മരിച്ചത്.
ഷോര്‍ട്ട് സര്‍ക്യൂട്ട് മൂലം തീപിടിച്ചതാണെന്നാണ് പ്രാഥമികനിഗമനം. മരിച്ച ബിനീഷ് കുര്യൻ അങ്കമാലി ടൗണിലെ മലഞ്ചരക്ക് വ്യാപാരിയാണ്.