പെരുമ്പാവൂർ: കഴിഞ്ഞ വെള്ളിയാഴ്ച രാത്രിയാണ് വളയൻചിറങ്ങരയിലെ ലൈറ്റ് ആൻഡ് സൗണ്ട് സ്ഥാപനത്തിൽ പാർക്ക് ചെയ്തിരുന്ന നാഷണൽ പെർമിറ്റ് ലോറിയുടെ ബാറ്ററി മോഷണം പോയത്. സംഭവത്തെ തുടർന്ന് നൽകിയ പരാതിയുടെ അടിസ്ഥാനത്തിൽ പെരുമ്പാവൂർ പോലീസാണ് ഐരാപുരം കൂഴൂർ പാറത്തട്ടേൽ മനുമോഹനനെ പിടികൂടിയത്.
ശാസ്ത്രീയമായി നടത്തിയ അന്വേഷണത്തിലൂടെയാണ് നിരവധി മോഷണ കേസുകളിൽ പ്രതിയായ മനുവിനെ പോലീസ് കസ്റ്റഡിയിലെടുത്തത്. കോടനാട് സ്റ്റേഷനിലെ മോഷണ കേസിൽ രണ്ടാഴ്ച മുമ്പ് ജയിലിൽ നിന്നിറങ്ങിയ മനുവിന് കുന്നത്തുനാട്, കുറുപ്പുംപടി, മൂവാറ്റുപുഴ, കോടനാട്, കാലടി പോലീസ് സ്റ്റേഷനുകളിലായി ഒൻപതോളം കേസുകൾ നിലവിലുണ്ട്. പ്രതി മോഷ്ടിച്ച ബാറ്ററി പോലീസ് കണ്ടെടുത്തിട്ടുണ്ട്.