ഫേസ്ബുക്ക് വഴി പ്രണയം നടിച്ച്‌ വിവാഹ തട്ടിപ്പ് നടത്തിയയാള്‍ പൊലീസ് പിടിയില്‍. നാലാം വിവാഹത്തിലെ യുവതി നല്‍കിയ പരാതിയിലാണ് കാസര്‍കോട് സ്വദേശിയായ ദീപൂ ഫിലിപ്പ് പിടിയിലാവുന്നത്. ഫേസ്ബുക്ക് വഴി സ്ത്രീകളോട് താന്‍ അനാഥനാണെന്നും തനിക്ക് വിവാഹം കഴിച്ചാല്‍ ഒരു ജീവിതമാകുമെന്നും പറഞ്ഞ് വൈകാരികമായി കൈയിലെടുത്താണ് വിവാഹത്തിലേക്ക് കടക്കുന്നത്. പിന്നീട് ലൈംഗികമായി ഉപയോഗിച്ച ശേഷം താത്പര്യകുറവ് തോന്നിയാല്‍ അടുത്ത ഇരയെ തേടി പോവുകയുമാണ് ഇയാളുടെ പതിവെന്നാണ് കണ്ടെത്തല്‍.
10 കൊല്ലം മുന്‍പാണ് ഇയാള്‍ കാസര്‍കോട് സ്വദേശിനിയെ ആദ്യം വിവാഹം ചെയ്ത് വിവാഹതട്ടിപ്പ് ആരംഭിക്കുന്നത്. യുവതിയുടെ സ്വര്‍ണവും പണവും കൈക്കലാക്കിയ ശേഷം ഇയാള്‍ ഭാര്യയെയും കുട്ടികളേയും ഉപേക്ഷിച്ച്‌ ഇവിടെ നിന്ന് മറ്റൊരു യുവതിയുമായി കടന്നുകളയുകയായിരുന്നു. പിന്നീട് എറണാകുളത്തെത്തുകയും ഇവിടെ ഒരു സ്ത്രീയുമായി ഒരുമിച്ച്‌ താമസിക്കുകയുമായിരുന്നു. ഇവിടെ വെച്ചാണ് ഇയാള്‍ ഫേസ്ബുക് വഴി മറ്റൊരു സ്ത്രീയുമായി അടുക്കുന്നത്. ഇവരെയും താന്‍ അനാഥനാണെന്നും തനിക്ക് കടുത്ത ഒറ്റപ്പെടലും വേദനയുമാണെന്നും ഇയാള്‍ പറഞ്ഞു വിശ്വസിപ്പിക്കുകയായിരുന്നു. തുടര്‍ന്ന് വിവാഹമോചിതയായ യുവതിയെ പള്ളിയില്‍ വെച്ച്‌ വിവാഹം ചെയുകയുമായിരുന്നു.
എന്നാല്‍ നാലാമത്തെ യുവതിയാണ് ഇയാളുടെ വിവാഹ തട്ടിപ്പുകള്‍ പുറത്ത് കൊണ്ടുവരുന്നത്. ദീപുവിന്റെ രണ്ടാം ഭാര്യയുടെ ഫേസ്ബുക് സുഹ്യത്തായിരുന്നു നിലവിലെ ഭാര്യ. ഇവര്‍ നല്‍കിയ വിവരത്തിന്റെ അടിസ്ഥാനത്തിലാണ് നാലാം ഭാര്യക്ക് തട്ടിപ്പ് മനസ്സിലായത്. തുടര്‍ന്ന് നാലാം ഭാര്യ നല്‍കിയ പരാതിയില്‍ ഇയാള്‍ കുടുങ്ങുകയായിരുന്നു. പ്രതി കുറ്റം സമ്മതിച്ചു.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു