മാന്നാര്‍: മദ്യപിച്ച്‌ ഭാര്യയെ വധിക്കാന്‍ ശ്രമിച്ച ഭര്‍ത്താവ്‌ അറസ്‌റ്റില്‍. കൊല്ലം കുളത്തൂര്‍ കരിക്കകം സന്തോഷ്‌ ഭവനത്തില്‍ ഷൈനുവിനെ(രതീഷ്‌-39)യാണ്‌ അറസ്‌റ്റ് ചെയ്‌തത്‌. ഇയാളുടെ ഭാര്യ തൃപ്പെരുന്തുറ കൊറ്റോട്ടുകാവില്‍ രാജിയെ വധിക്കാനുള്ള ശ്രത്തിനെതിരെയാണ്‌ ഇയാള്‍ക്കെതിരെ കേസെടുത്തത്‌.
തിങ്കളാഴ്‌ രാത്രി 10.30 നായിരുന്നു സംഭവം. മാവേലിക്കര എഫ്‌.സി.ഐ ഗോഡൗണിലെ തൊഴിലാളിയായ ഇയാള്‍ കാറില്‍ മദ്യവുമായി വീട്ടിലെത്തിയത്‌ രാജി ചോദ്യം ചെയ്‌തു. ഇതില്‍ പ്രകോപിതനായി ഇയാള്‍ രാജിയെ ക്രൂരമായി മര്‍ദിച്ചു. ബഹളം കേട്ട്‌ പരിസരവാസികളും ബന്ധുമിത്രാദികളും എത്തിയപ്പോള്‍ വെട്ടുകത്തിയും ഹുക്കുമായി ഇവര്‍ക്ക്‌ നേരെ അടുത്തു. കൂടാതെ വെട്ടുകത്തി രാജിയുടെ കഴുത്തില്‍ വച്ച്‌ കൊല്ലുമെന്ന്‌ ഭീഷണിപ്പെടുത്തി.
സംഭവം അറിഞ്ഞത്തിയ പോലീസ്‌ സംഘം ഇയാളെ കീഴ്‌പ്പെടുത്തി വെട്ടുകത്തിയും ഹുക്കും വീട്ടില്‍ നിന്നും കണ്ടെടുത്തു. സ്‌ഥിരം മദ്യപാനിയായ ഇയാള്‍ക്കെതിരെ മുമ്ബും പരാതി ലഭിച്ചിട്ടുണ്ടെന്ന്‌ പോലീസ്‌ പറഞ്ഞു. എസ്‌.എച്ച്‌.ഒ: ജോസ്‌മാത്യു, എസ്‌.ഐ: സി.എസ്‌.അഭിരാം, എ.എസ്‌.ഐമാരായ ജി.മധുസൂദനന്‍, മോഹന്‍ദാസ്‌, ശ്രീകുമാര്‍, ഷിനു എന്നിവരടങ്ങുന്ന സംഘമാണ്‌ ഇയാളെ അറസ്‌റ്റ് ചെയ്‌തത്‌.