മലപ്പുറം: നിയന്ത്രണം വിട്ട കെഎസ്‌ആർടിസി ബസ് തലകീഴായി മറിഞ്ഞു 33 പേർക്ക് പരിക്കേറ്റു. ഞായറാഴ്ച രാത്രിയില്‍ മലപ്പുറം തലപ്പാറയില്‍ ഉണ്ടായ അപകടത്തില്‍ ആരുടെയും പരിക്ക് ഗുരുതരമല്ല. സൂപ്പര്‍ ഫാസ്റ്റ് ബസ് പത്തടിയോളം താഴ്ചയിലേക്കാണ് മറിഞ്ഞത്.
മലപ്പുറത്തു നിന്ന് തിരുവനന്തപുരത്തേക്ക് പോയ ബസാണ് അപകടത്തില്‍പ്പെട്ടത്. അപകട സമയത്ത് അന്പതോളം പേർ ബസില്‍ ഉണ്ടായിരുന്നു. പരിക്കേറ്റവരെ തിരൂരങ്ങാടിയിലെയും സമീപത്തെയും ആശുപത്രികളില്‍ പ്രവേശിപ്പിച്ചു.അറുപതോളം പേര്‍ ബസ്സിലുണ്ടായിരുന്നു.നാട്ടുകാരും മറ്റു വാഹനങ്ങളില്‍ വന്നവരുമാണ് രക്ഷാപ്രവര്‍ത്തനം നടത്തിയത്.