കോട്ടയം: പുതുപ്പള്ളി കാഞ്ഞിരത്തുംമൂട് സ്വദേശികളായ ജോർജ്.പി.സ്കറിയ(60), ഭാര്യ മേഴ്സി(58), മകൻ അഖിൽ(29) എന്നിവരെയാണ് ഇന്ന് രാവിലെ കാറിനുള്ളിൽ മരിച്ച നിലയിൽ കണ്ടെത്തിയത്. തമിഴ്നാട് കമ്പത്തിന് സമീപം വഴിയരികിൽ നിർത്തിയിട്ടിരുന്ന കാറിനുള്ളിലാണ് മൂന്ന് പേരെ മരിച്ച നിലയിൽ ഉണ്ടായിരുന്നത്. ഇന്ന് രാവിലെ ഇതുവഴി കടന്നുപോയ നാട്ടുകാരാണ് സംഭവം കണ്ട് പോലീസിൽ അറിയിച്ചത്.
ഇവരെ കാണ്മാനില്ല എന്ന് കാണിച്ച് വാകത്താനം പോലീസ് സ്റ്റേഷനിൽ ബന്ധുക്കളുടെ പരാതി നിലവിലുണ്ട്. പോലീസ് കേസ് രജിസ്റ്റർ ചെയ്ത അന്വേഷിച്ച് വരുന്നതിനിടയിലാണ് ഇവരെ മരിച്ച നിലയിൽ കണ്ടെത്തിയത്. കടുത്ത സാമ്പത്തിക ബാധ്യതയിലായിരുന്നു ഇവർ നാടുവിട്ട ശേഷം ആത്മഹത്യ ചെയ്തതാകാമെന്നുമാണ് പോലീസിൻ്റെ പ്രാഥമിക നിഗമനം. പോലീസ് അസ്വാഭാവിക മരണത്തിന് കേസ് എടുത്ത് അന്വേഷണം ആരംഭിച്ചു