കോട്ടയം: സിനിമ- സീരിയൽ താരം മീനടം കുറിയനൂർ വിനോദ് തോമസിനെ (46) കോട്ടയം പാമ്പാടി ഡ്രീം ലാൻഡ് ബാറിന് സമീപം പാർക്ക് ചെയ്തിരുന്ന കാറിനുള്ളിലാണ് മരിച്ച നിലയിൽ കണ്ടെത്തിയത്. അയ്യപ്പനും കോശി, ഒരു മുറൈ വന്ത് പാർത്തായ, നത്തോലി ഒരു ചെറിയ മീനല്ല, ഹാപ്പി വെഡ്‌ഡിങ്, ജൂൺ, അയാൾ ശശി തുടങ്ങിയ നിരവധി ചിത്രങ്ങളിൽ അഭിനയിച്ചിട്ടുള്ള വിനോദ് രാവിലെ 11മണിയോടെ ബാറിനുള്ളിൽ എത്തിയിരുന്നതായി ജീവനക്കാർ പറഞ്ഞു.
രാത്രി എട്ടരയോടെയാണ് പാർക്ക് ചെയ്തിരുന്ന കാർ അസ്വാഭാവികമായി തോന്നിയതാ. തുടർന്ന് ശ്രദ്ധിച്ചപ്പോൾ ഉള്ളിലുള്ള ആൾ പുറത്തിറങ്ങുന്നില്ല എന്ന് മനസ്സിലാക്കി നടത്തിയ പരിശോധനയിലാണ് മരിച്ച നിലയിലുള്ള വിനോദിനെ കണ്ടെത്തിയത്. പാമ്പാടി എസ്എച്ച്ഒ സുവർണ്ണകുമാറിന്റെ നേതൃത്വത്തിലുള്ള പൊലീസ് സംഘം സ്ഥത്തെത്തി തുടർനടപടി സ്വീകരിച്ചു.