ആലപ്പുഴ: ആലപ്പുഴയില്‍ കഞ്ചാവുമായി മൂന്നംഗ സംഘം പിടിയില്‍. ആലപ്പുഴ കൊമ്മാടി ജംഗ്ഷന് സമീപം ആണ് സംഭവം. കരുനാഗപ്പള്ളി കടത്തൂർ വീട്ടില്‍ അലിഫ് ഷാ നജീം, ആലും കടവ് മുഹമ്മദ് ബാദുഷ, അജിത് നിവാസില്‍ അജിത് പ്രകാശ് എന്നിവരാണ് അറസ്റ്റിലായത്.
18 കിലോ കഞ്ചാവ് ഇവരില്‍നിന്ന് പിടിച്ചെടുത്തു. ആലപ്പുഴയിലെ അതിർത്തി പ്രദേശങ്ങളിലും എറണാകുളത്തുമായി പ്രതികള്‍ കഞ്ചാവ് വില്‍പ്പന നടത്തിയിരുന്നതായി എക്സൈസ് അറിയിച്ചു. എറണാകുളത്ത് നിന്ന് കാർ വാടകയ്ക്കെടുത്ത് ആന്ധ്രപ്രദേശില്‍ നിന്ന് കഞ്ചാവ് നാട്ടിലെത്തിച്ച്‌ വില്‍പ്പന നടത്തുന്നതാണ് ഇവരുടെ രീതി. പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.