കോതമംഗലം: കേടായി ഇറയത്ത് മാറ്റി വച്ചിരുന്ന ടിവി നാളുകൾക്ക് ശേഷം അവിശ്വസനീയമായ വിധത്തിൽ പൊട്ടിത്തെറിച്ചു. കോതമംഗലം തലക്കോട് അംബികാപുരം പള്ളിക്കുന്നേൽ ബിജുവിൻ്റെ വീട്ടിലാണ് ബുധനാഴ്ച സംഭവം നടന്നത്. ടിവിയുടെ പിക്ചർ ട്യൂബാണ് വലിയ ശബ്ദത്തോടെ പൊട്ടിത്തെറിച്ചത്.
സ്ഫോടനത്തിൽ ടിവിയുടെ ഭാഗങ്ങൾ തുളഞ്ഞു കയറി സമീപത്ത് നിന്ന ഗൃഹനാഥന് പരിക്കേറ്റിട്ടുണ്ട്. അപൂർവമായ ഇത്തരത്തിലുള്ള സംഭവത്തിൽ വ്യക്തമായ ഒരു കാരണം കണ്ടെത്താൻ സാധിച്ചിട്ടില്ല.