കൊച്ചി: കോട്ടയം കൂട്ടിക്കൽ ഏന്തയാർ കരയിൽ കല്ലുപുരയ്ക്കൽ ജീമോനെയാണ് മുനമ്പം പോലീസ് പോക്സോ കേസിൽ അറസ്റ്റ് ചെയ്തത്. കാഴ്ച വൈകല്യമുള്ള പെൺകുട്ടി പാടുന്ന പാട്ടുകൾ സോഷ്യൽ മീഡിയയിലൂടെ വൈറലാക്കാമെന്നു പറഞ്ഞ് ഇയാൾ പെൺകുട്ടിയുടെ കുടുംബവുമായി ബന്ധം സ്ഥാപിക്കുകയും, പിന്നീട് പാട്ടു ചിത്രികരിക്കാനായി ചെറായിയിൽ എത്തിക്കുകയുമായിരുന്നു. കൂടെവന്ന അമ്മയും, സഹോദരനും സമീപത്ത് നിന്നും മാറിയ സമയത്താണ് പ്രതി പെൺകുട്ടിയെ ലൈംഗീകമായി ഉപദ്രവിച്ചത്. തുടർന്നാണ് പെൺകുട്ടിയുടെ പരാതി പ്രകാരം ജീമോനെ അറസ്റ്റ് ചെയ്തത്.