എറണാകുളം: സിനിമാനയ രൂപീകരണ സമിതിയുടെ ആദ്യ യോഗം ഇന്ന് കൊച്ചിയില്‍ നടക്കും. സമിതി ചെയർമാൻ ഷാജി എൻ കരുണ്‍, കണ്‍വീനർ മിനി ആൻ്റണി ഐഎഎസ് എന്നിവരുടെ നേതൃത്വത്തിലാണ് യോഗം ചേരുക. സമിതിയില്‍ നിന്ന് പുറത്താക്കിയ മുകേഷ് ഒഴികെയുള്ള അംഗങ്ങള്‍ യോഗത്തില്‍ പങ്കെടുക്കും.
ഹേമ കമ്മിറ്റി റിപ്പോർട്ടിന്റെയും പൊതുവായ സിനിമാനയം രൂപീകരിക്കുന്നതിന്റെയും പശ്ചാത്തലത്തിലാണ് ചലച്ചിത്ര വികസന കോർപ്പറേഷൻ ചെയർമാൻ ഷാജി എൻ. കരുണ്‍ അധ്യക്ഷനായി സർക്കാർ സമിതി രൂപീകരിച്ചത്. സിനിമാ മേഖലയിലെ പ്രശ്‌നങ്ങള്‍ ചര്‍ച്ച ചെയ്യാന്‍ സംഘടിപ്പിക്കുന്ന സിനിമാ കോണ്‍ക്ലേവിന് മുന്നോടിയായാണ് സമിതിയുടെ യോഗം.