കൊല്ലം: എംസി റോഡില്‍ നിയന്ത്രണംവിട്ട് ഗ്യാസ് ടാങ്കർ ലോറി മറിഞ്ഞു. കൊട്ടാരക്കര പനവേലിയില്‍ പുലർച്ചെ അഞ്ചിനാണ് അപകടം. കൊട്ടാരക്കരയില്‍നിന്നും ഫയർഫോഴ്സ് എത്തി വാതക ചോർച്ച പരിഹരിക്കാൻ ശ്രമം തുടരുന്നു. നിയന്ത്രണം നഷ്ടപ്പെട്ട ടാങ്കർ, റോഡരികിലേക്ക് തലകീഴായി മറിയുകയായിരുന്നു.
ഡ്രൈവർ ഉറങ്ങിയതാണ് അപകട കാരണമെന്ന് പൊലീസ് പറഞ്ഞു. പരിക്കേറ്റ ഡ്രൈവർ തമിഴ്നാട് തുറയൂർ സ്വദേശി പയനീർ സെല്‍വത്തെ ആശുപത്രിയില്‍ പ്രവേശിപ്പിച്ചു. അപകടത്തെ തുടർന്ന് എം.സി റോഡില്‍ ഗതാഗത നിയന്ത്രണം ഏർപ്പെടുത്തിയിട്ടുണ്ട്. പ്രദേശത്തെ വൈദ്യുതിയും വിച്ഛേദിച്ചിട്ടുണ്ട്.