വൈക്കം: ദിവസങ്ങളായി തലയിൽ കുടുങ്ങിയ കുടം മുറിച്ചു മാറ്റി ഫയർഫോഴ്സ് സംഘം നായയ്ക്ക് പുതുജീവൻ സമ്മാനിച്ചു. തുടർന്നാണ് ജീവൻ രക്ഷിച്ച വൈക്കം ഫയർ ആൻഡ് റെസ്ക്യൂ ഉദ്യോഗസ്ഥർക്ക് നേരെ സ്നേഹപ്രകടനവുമായി തെരുവ് നായ മാറാതെ നിന്നത്. വൈക്കം ടിവി പുരം പള്ളിപ്പുറത്തുശ്ശേരിയിലാണ് സംഭവം നടന്നത്. കുടത്തിൽ തല കുടുങ്ങിയ നായ ദിവസങ്ങളായി ആഹാരമില്ലാതെ ദുരിതം അനുഭവിക്കുന്ന കഥ നാട്ടുകാരാണ് ഫയർ സ്റ്റേഷൻ ഓഫീസിലേക്ക് വിളിച്ചറിയിച്ചത്. തുടർന്ന് സ്റ്റേഷൻ ഓഫീസർ ഷാജികുമാറിന്റെ നിർദ്ദേശമനുസരിച്ചുള്ള സംഘം സ്ഥലത്തെത്തി നായയുടെ കഴുത്തിൽ കുടുങ്ങിയ പ്ലാസ്റ്റിക് കുടം കട്ടറും കത്രികയും ഉപയോഗിച്ച് മുറിച്ചു മാറ്റി. ജീവൻ തിരിച്ചു കിട്ടിയ നായയുടെ സ്നേഹപ്രകടനങ്ങളിൽ ഫയർഫോഴ്സ് സംഘത്തിന്റെയും മനസ് നിറഞ്ഞു