കൊച്ചി: പ്രശസ്ത സിനിമ കോമഡി താരമായ ധർമ്മജൻ ബോൾഗാട്ടി ക്ഷേത്ര സന്നിധിയിൽ വച്ച് വിവാഹിതനായി. വിവാഹം കഴിച്ചത് സ്വന്തം ഭാര്യയെ തന്നെയാണ്. 16 വർഷം മുമ്പ് ഇതേ ദിവസം കാമുകിയുമായി ഒളിച്ചോടിയ താരം ക്ഷേത്ര സന്നിധിയിൽ വച്ച് വിവാഹം കഴിച്ചിരുന്നു.
പക്ഷേ രജിസ്റ്റർ ചെയ്യാത്തതിനാൽ നിയമപരമായി ഭാര്യാഭർത്താക്കന്മാർ എന്ന് അവകാശപ്പെടാൻ സാധിക്കാത്തതിനാൽ ആണ് വീണ്ടും മക്കളുടെയും വീട്ടുകാരുടെയും സാന്നിധ്യത്തിൽ വിവാഹം കഴിച്ചത് എന്നാണ് ധർമ്മജൻ ബോൾഗാട്ടി പറയുന്നത്.
താരം തന്നെയാണ് ഇന്ന് രാവിലെ സോഷ്യൽ മീഡിയയിലൂടെ വിവാഹകാര്യം പുറത്തുവിട്ടത്. അത് ഇങ്ങനെയായിരുന്നു “എന്റെ ഭാര്യ വിവാഹിതയാകുന്നു.. വരൻ ഞാനാണ്”. എന്തായാലും ധർമ്മജൻ ബോൾഗാട്ടിയുടെ പോസ്റ്റും, വിവാഹവും സോഷ്യൽ മീഡിയയിലൂടെ പ്രചരിച്ചുകൊണ്ടിരിക്കുകയാണ്.