ആലപ്പുഴ: ശക്തമായ മഴയില് വീട് തകർന്നു. ആലപ്പുഴ എടത്വയിലാണ് സംഭവം നടന്നത്. തലവടി പഞ്ചായത്ത് 14 ആം വാർഡ് പീടികത്തറ വീട്ടില് ഇട്ടി ചെല്ലപ്പന്റെ വീടാണ് കനത്ത മഴയില് തകർന്നത്.
അടുക്കളയില് പാചകം ചെയ്തുകൊണ്ടിരുന്ന ചെല്ലപ്പന്റെ ഭാര്യ കുട്ടിയമ്മ പുറത്തേക്ക് ഇറങ്ങിയ സമയത്താണ് വീട് തകർന്ന് വീണത്. രാവിലെ ഉണ്ടായ കനത്തമഴയില് വീടിന്റെ അടുക്കളയുടെ മേല്ക്കൂര പൂർണമായും നിലംപൊത്തി.