മാവേലിക്കര ഇടപ്പോൺ ആറ്റുവ വിവേകാനന്ദ വിദ്യാപീഠം വിദ്യാലയത്തിലെ മാത്സ് ക്ലബ്ബായ ‘ദ സ്ക്വയർ റൂട്ടി’ന്‍റെ ഔപചാരിക ഉദ്ഘാടനം പടനിലം എച്ച്എസ്എസ് മുൻ പ്രിൻസിപ്പൽ ശ്രീജ പി നിർവഹിച്ചു .വിദ്യാലയ പ്രിൻസിപ്പൽ ആർ ശാന്തകുമാർ അധ്യക്ഷനായിരുന്നു . മാത്സ് ക്ലബ്ബിന്‍റെ ലോഗോയുടെ ഔപചാരിക പ്രകാശനം വിദ്യാലയ സമതി സെക്രട്ടറി സന്തോഷ് കാളിമംഗലത്ത് നിർവഹിച്ചു .ഐ ക്യൂ ടെസ്റ്റ് ഔപചാരിക ഉദ്ഘാടനം വിദ്യാലയ പ്രിൻസിപ്പൽ ആർ ശാന്തകുമാർ നിർവഹിച്ചു.
വിദ്യാർത്ഥികളിൽ ഗണിതത്തോടുള്ള താല്പര്യം വർദ്ധിപ്പിക്കുന്നതിനും അവരുടെ സമഗ്ര വികാസം കാര്യക്ഷമമാക്കുന്നതിനും വേണ്ടിയുള്ള പ്രവർത്തനങ്ങളാണ് മാത്സ് ക്ലബ്ബിൻറെ ലക്ഷ്യമെന്നു പടനിലം എച്ച്എസ്എസ് മുൻ പ്രിൻസിപ്പൽ ശ്രീജ പി ഉദ്ഘാടനം ചെയ്തുകൊണ്ട് പറഞ്ഞു. യോഗത്തിൽ ഭാരതീയ ഗണിത ശാസ്ത്രജ്ഞന്മാരെ വിദ്യാലയത്തിലെ അദ്ധ്യാപികയായ ശ്രീജ സുഭാഷ് പരിചയപ്പെടുത്തി .വൈസ് പ്രിൻസിപ്പൽ രാജശ്രീആശംസകളർപ്പിച്ചു. സ്റ്റാഫ് സെക്രട്ടറി വിമല സ്വാഗതവും ശ്രീജ സുഭാഷ് നന്ദിയും രേഖപ്പെടുത്തി