അപകടവുമായി ബന്ധപ്പെട്ട തര്‍ക്കത്തെ തുടര്‍ന്ന് മര്‍ദനമേറ്റ വയോധികൻ മരിച്ചു. ആലപ്പുഴ ഹരിപ്പാടിലാണ് സംഭവം. വീയപുരം സ്വദേശി ടി എം ജോസഫാണ് (62) മരിച്ചത്.സംഭവത്തെ തുടര്‍ന്ന് വീയപുരം നന്ദൻകേരില്‍ കോളനി സ്വദേശി ദയാനന്ദനെ പോലീസ് കസ്റ്റഡിയിലെടുത്തു.
രാത്രി ഏഴരയോടെ കാരിച്ചാലിലെ കള്ളുഷാപ്പിന് സമീപമാണ് സംഭവം. ജോസഫിന്റെ സൈക്കിള്‍ അനക്കാത്തതിനെ ചൊല്ലി ഇരുവരും തമ്മില്‍ തര്‍ക്കമുണ്ടായതിനെ തുടര്‍ന്നാണ് ദയാനന്ദൻ ജോസഫിനെ മര്‍ദിച്ചതെന്നാണ് വിവരം. ഉടൻ തന്നെ ജോസഫിനെ ആശുപത്രിയില്‍ എത്തിച്ചെങ്കിലും മരണം സ്ഥിരീകരിക്കുകയായിരുന്നു. മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും