കൊടുമണ്‍ (പത്തനംതിട്ട): അഞ്ചുവയസ്സുള്ള ആണ്‍കുട്ടിയെ പീഡിപ്പിച്ചെന്ന കേസില്‍ യുവാവിനെ കൊടുമണ്‍ പോലീസ് പിടികൂടി. അങ്ങാടിക്കല്‍ വടക്ക് സിയോണ്‍കുന്ന് വാഴവിളമുരുപ്പേല്‍ വാടകയ്ക്ക് താമസിക്കുന്ന മാവേലിക്കര സ്വദേശി സുരേഷ് (43) ആണ് അറസ്റ്റിലായത്. പല ദിവസങ്ങളിലും ഇയാളുടെ വീട്ടില്‍വെച്ച്‌ കുട്ടിയെ പീഡിപ്പിച്ചെന്നാണ് പരാതി.
വീട്ടില്‍ പറഞ്ഞാല്‍ കൊല്ലുമെന്നും ഭീഷണിപ്പെടുത്തി. അസ്വസ്ഥത അനുഭവപ്പെട്ട കുട്ടിയെ മാതാപിതാക്കള്‍ പത്തനംതിട്ട ജനറല്‍ ആശുപത്രിയില്‍ എത്തിച്ചു. കുട്ടിയുടെ മൊഴി പോലീസ് രേഖപ്പെടുത്തി. പ്രതിയെ കോടതി റിമാൻഡ് ചെയ്തു. പന്തളം പോലീസ് ഇൻസ്പെക്ടര്‍ ടി.ഡി. പ്രജീഷിന്റെ നേതൃത്വത്തില്‍ എസ്.ഐ. രതീഷ് കുമാര്‍, എ.എസ്.ഐ. രാജേഷ് കുമാര്‍, എസ്.സി.പി.ഒ. ശിവപ്രസാദ്, സി .പി.ഒ.മാരായ അനൂപ്, കൃഷ്ണകുമാര്‍ എന്നിവരാണ് പ്രതിയെ പിടികൂടിയത്.