ന്യൂഡല്‍ഹി: കേന്ദ്രസർക്കാർ പാസാക്കിയ വഖഫ് ഭേദഗതി നിയമം ചോദ്യംചെയ്തുള്ള ഹർജികള്‍ ചീഫ് ജസ്റ്റീസ് സഞ്ജീവ് ഖന്ന അധ്യക്ഷനായ ബെഞ്ച് ഇന്നു പരിഗണിക്കും.13-മത്തെ കേസായാണു ഹർജികള്‍ ലിസ്റ്റ് ചെയ്തിരിക്കുന്നത്.
നിയമത്തിന്‍റെ ഭരണഘടനാസാധുത ചോദ്യം ചെയ്തു കോണ്‍ഗ്രസ്, മുസ്‌ലിം ലീഗ്, സമസ്ത ഉള്‍പ്പെടെ നല്‍കിയ പത്തോളം ഹർജികളാണ് കോടതിക്കു മുന്നിലുള്ളത്. ജസ്റ്റീസുമാരായ സഞ്ജയ് കുമാർ, കെ.വി. വിശ്വനാഥൻ തുടങ്ങിയവരാണ് ബെഞ്ചിലെ മറ്റ് അംഗങ്ങള്‍.
നിയമത്തിന്‍റെ ഭരണഘടനാ സാധുത ചോദ്യം ചെയ്തു നിരവധി ഹർജികള്‍ കോടതിക്കു മുന്നിലെത്തിയെങ്കിലും അവ പരിഗണിക്കാൻ ലിസ്റ്റ് ചെയ്തിട്ടില്ല.
സിപിഐ, തമിഴ്നാട്ടിലെ ടിവികെ പാർട്ടി അധ്യക്ഷനും നടനുമായ വിജയ്, വൈഎസ്‌ആർസിപി, തൃണമൂല്‍ കോണ്‍ഗ്രസ് തുടങ്ങിയവരും വഖഫ് നിയമ ഭേദഗതിക്കെതിരേ സുപ്രീംകോടതിയെ സമീപിച്ചിട്ടുണ്ട്.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു