തിരുവനന്തപുരം: സംസ്ഥാനത്തെ മികച്ച വാണിജ്യ വ്യവസായ സ്ഥാപനങ്ങള്‍ക്കുള്ള മുഖ്യമന്ത്രിയുടെ എക്‌സലൻസ് അവാർഡ് വിതരണം നാളെ (മാർച്ച്‌ 29) രാവിലെ 11ന് തിരുവനന്തപുരം ഹയാത്ത് റീജൻസിയില്‍ നടക്കും.
മന്ത്രി വി ശിവൻകുട്ടി അവാർഡ് വിതരണം നിർവഹിക്കും.
ടാറ്റ പ്രൊജക്‌ട് ലിമിറ്റഡ്, തിരുവനന്തപുരം(നിർമാണം),അർഥ ഫൈനാൻഷ്യല്‍ സർവീസസ് കോഴിക്കോട് (ധനകാര്യ ),കിംസ് ഹെല്‍ത്ത് കെയർ മാനേജ്‌മെമെന്റ് ലിമിറ്റഡ് തിരുവനന്തപുരം (ആശുപത്രി ),ഹോട്ടല്‍ അബാദ് എറണാകുളം (ഹോട്ടല്‍ ),സ്റ്റാർ ഹെല്‍ത്ത് ആന്റ് അലെഡ് ഇൻഷൂറൻസ് കമ്ബനി ലിമിറ്റഡ് തിരുവനന്തപുരം(ഇൻഷുറൻസ് ), എസ്.ബി സോള്‍ ഡിജിറ്റല്‍ പ്രൈ. ലിമിറ്റഡ് എറണാകുളം (ഐ.ടി. ), ആലുക്കാസ് ജുവലറി കോഴിക്കോട് (ജുവലറി),ഡോ. ഗിരിജാസ് ഡയഗ്നോസ്റ്റിക് ലാബ് ആന്റ് സ്‌കാൻസ് ലിമിറ്റഡ് തിരുവനന്തപുരം (മെഡിക്കല്‍ ലാബ് / എക്‌സ്‌റേ / സ്‌കാനിംഗ് സെന്റർ ) കേരള എക്‌സ് സർവ്വീസ് മെൻ വെല്‍ഫെയർ അസോസിയേഷൻ എറണാകുളം (സെക്യൂരിറ്റി ) ക്രൗണ്‍ പ്ലാസ എറണാകുളം (സ്റ്റാർ ഹോട്ടലുകളും റിസോർട്ടുകളും) ആഷിസ് സൂപ്പർ മെർകാട്ടോ എറണാകുളം (സൂപ്പർ മാർക്കറ്റ്) ഇടപ്പറമ്ബില്‍ ടെക്സ്റ്റയില്‍സ് കോട്ടയം (ടെക്സ്റ്റയില്‍ ) എന്നീ സ്ഥാപനങ്ങള്‍ക്കാണ് ഇത്തവണ മുഖ്യമന്ത്രിയുടെ എക്‌സലൻസ് അവാർഡ് ലഭിച്ചത്.പതിമൂന്നു മേഖലകളിലെ മികച്ച സ്ഥാപനങ്ങളെയാണ് ഇത്തവണ അവാർഡിന് പരിഗണിച്ചത്.
ആന്റണി രാജു എം.എല്‍.എ അധ്യക്ഷത വഹിക്കുന്ന ചടങ്ങില്‍ തിരുവനന്തപുരം മേയർ ആര്യാ രാജേന്ദ്രൻ മുഖ്യതിഥിയാവും.
തൊഴിലും നൈപുണ്യവും വകുപ്പ് സെക്രട്ടറി ഡോ.കെ. വാസുകി, ലേബർ കമ്മിഷണർ സഫ്ന നസറുദ്ദീൻ, എളമരം കരീം (ജന.സെക്രട്ടറി സി.ഐ.ടി.യു ), ആർ ചന്ദ്രശേഖരൻ ( പ്രസിഡന്റ്‌ ഐ.എൻ.ടി.യു.സി), കെ. പി. രാജേന്ദ്രൻ ( ജന. സെക്രട്ടറി എ.ഐ.ടി.യു.സി),ശിവജി സുദർശൻ ( പ്രസിഡണ്ട്‌ ബി.എം.എസ്), രാജു അപ്സര (കേരള വ്യാപാര വ്യവസായി ഏകോപന സമിതി പ്രസിഡണ്ട്‌), മധു ദാമോദരൻ (കോണ്‍ഫെഡറഷൻ ഓഫ് ഇന്ത്യൻ ഇൻഡസ്ട്രി), പി.ഡി. മനോജ്‌ കുമാർ കേരള മാർച്ചന്റ്സ് ചേമ്ബർ ഓഫ് കോമേഴ്‌സ്, തൊഴിലാളി തൊഴിലുടമാ പ്രതിനിധികള്‍, മറ്റ് ഉദ്യോഗസ്ഥർ തുടങ്ങിയവർ പങ്കെടുക്കും.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു