കാഞ്ഞിരപ്പള്ളി: കോട്ടയം കാഞ്ഞിരപ്പള്ളിയിലുണ്ടായ വാഹനാപകടത്തില്‍ ഒരു കുട്ടിയടക്കം നാല് ശബരിമല തീർഥാടകർക്ക് പരിക്ക്. വളവുകയത്ത് ഉണ്ടായ വാഹനാപകടത്തിലാണ് ശബരിമല തീർത്ഥാടനം കഴിഞ്ഞ് മടങ്ങുകയായിരുന്ന തൊടുപുഴ സ്വദേശികള്‍ക്ക് പരിക്കേറ്റത്.
ശാരദാ വിലാസത്തില്‍ സുജിത് (34), ശബരിനാഥ് (5), ഗോപാലകൃഷ്ണ പണിക്കർ (58) ,ശ്രീജിത്ത് (29) എന്നിവർക്കാണ് പരിക്കേറ്റത്. രാവിലെ 8 മണിയോടെയായിരുന്നു അപകടം. നിയന്ത്രണം നഷ്ടമായ വാഹനം ആനക്കല്ല് വളവകയത്ത് വച്ച്‌ റോഡിനു വശത്തുളള വീടിൻ്റെ മതിലിലേക്ക് ഇടിച്ച്‌ കയറുകയായിരുന്നു. വാഹനത്തിലുണ്ടായിരുന്നവർ ഉറങ്ങിപ്പോയതാണ് അപകടത്തിനിടയാക്കിയത്. പരിക്കേറ്റവരെയെല്ലാം കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ച ശേഷം തൊടുപുഴയിലെ സ്വകാര്യ ആശുപത്രിയിലേയ്ക്ക് മാറ്റി.