പാലക്കാട് കാട്ടാന ആക്രമണത്തില്‍ രണ്ട് പേർക്ക് പരുക്ക്. മംഗലംഡാം കുഞ്ചിയാർ പതിയില്‍ അയ്യപ്പൻ പാടിയില്‍ സ്വകാര്യവ്യക്തിയുടെ തോട്ടത്തിലാണ് ആക്രമണം നടന്നത്.
അസം സ്വദേശികളായ മുന്നു (38), പിങ്കി (29) എന്നിവർക്കാണ് പരുക്കേറ്റത്.പരുക്കേറ്റ ഇരുവരെയും നെന്മാറയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തോട്ടത്തില്‍ കുരുമുളക് പറിക്കുകയായിരുന്ന തൊഴിലാളികള്‍ക്ക് നേരെ കാട്ടാന പാഞ്ഞടുക്കുകയായിരുന്നെന്ന് പറയുന്നു.
മരത്തിന് മുകളിലായിരുന്ന മുന്നു കാട്ടാന വരുന്നത് കണ്ട് താഴെ ഇറങ്ങി ഓടിയെങ്കിലും തുമ്ബികൊണ്ട് അടിച്ച്‌ വീഴ്ത്തി. ഓടുന്നതിനിടെ വീണ പിങ്കിയുടെ കാലിലും കാട്ടാനയുടെ ചവിട്ടേറ്റു. പതിനഞ്ചോളം തൊഴിലാളികള്‍ ഈ സമയം ഇവിടെ ഉണ്ടായിരുന്നു. മoഗലംഡാമില്‍ നിന്നും വനംവകുപ്പ് അധികൃതർ സ്ഥലതെത്തി പരിശോധന നടത്തി.
ഏറ്റവും വിലക്കുറവിൽ കേരളത്തനിമയുള്ള വസ്ത്രങ്ങൾക്ക് വിഷു ഡിസ്കൗണ്ടോടുകൂടി ഇപ്പോൾ തന്നെ വാങ്ങു