ജവാന് കേരളത്തിൽ വിതരണാവകാശം റെക്കോര്‍ഡ് തുകയ്ക്ക് ഗോകുലം ഗോപാലൻ സ്വന്തമാക്കി.തമിഴ്‌നാട്ടില്‍ റെഡ് ജയന്റ് മൂവീസ് ഡിസ്ട്രിബ്യുഷൻ പാര്‍ട്ണര്‍ ആകുമ്ബോള്‍ കേരളത്തില്‍ ഡ്രീം ബിഗ് ഫിലിംസ് പാര്‍ട്ണറാകുന്നു. തമിഴ്‌നാട്, കേരള സംസ്ഥാനങ്ങളിലെ വിതരണാവകാശം റെക്കോര്‍ഡ് തുകയ്ക്കാണ് ശ്രീ ഗോകുലം മൂവിസിന് വേണ്ടി ഗോകുലം ഗോപാലൻ സ്വന്തമാക്കിയത്.
റെഡ് ചില്ലീസ് എന്റര്‍ടൈന്മെന്റിന്റെ ബാനറില്‍ ഗൗരി ഖാൻ നിര്‍മിക്കുന്ന സിനിമ ഷാരൂഖിന്റെ കരിയറിലെ തന്നെ ഏറ്റവും ചിലവേറിയ ചിത്രമാണ്. നിരവധി പ്രത്യേകതകളുമായിട്ടാണ് സിനിമ റിലീസ് ചെയ്യുന്നത്. ആറ്റ്‌ലി സംവിധാനം ചെയ്യുന്ന ചിത്രത്തില്‍ നയൻതാര നായികയാവുന്ന ആദ്യ ഹിന്ദി ചിത്രം എന്ന പ്രത്യേകതയും ജവാനുണ്ട്. വിജയ് സേതുപതി ചിത്രത്തില്‍ വില്ലൻ വേഷത്തിലുണ്ട്. അനിരുദ്ധ് രവിചന്ദറാണ് ചിത്രത്തിന്റെ സംഗീതം ഒരുക്കിയിരിക്കുന്നത്. ഈ വര്‍ഷം വമ്ബൻ ചിത്രത്തോടെയാണ് ഷാരൂഖ് ഖാൻ ആരംഭിച്ചത്. പഠാൻ ബോക്‌സോഫീസില്‍ ആയിരം കോടി നേടിയാണ് റെക്കോര്‍ഡിട്ടത്. ജവാന് വേണ്ടിയുള്ള പ്രതീക്ഷകള്‍ ഏറെയാണ്.
ഷാരൂഖ് ഖാൻ, വിജയ് സേതുപതി, നയൻതാര, യോഗി ബാബു എന്നിവര്‍ എന്ന് നടക്കുന്ന പ്രി- റിലീസ് ഈവന്റില്‍ പങ്കെടുക്കും. തമിഴിലെ മറ്റ് മുൻനിര താരങ്ങളും വിശിഷ്ഠ അതിഥികളും ചടങ്ങില്‍ പങ്കെടുക്കും.’ഷാരൂഖ് ഖാൻ ചെന്നൈയില്‍ എത്തുന്നതോടെ വലിയ പരിപാടിയാണ് അരങ്ങേറാൻ ഒരുങ്ങുന്നത്. സിനിമയിലെ താരങ്ങളും അണിയറപ്രവര്‍ത്തകരും ചടങ്ങില്‍ പങ്കെടുക്കും. സംഗീത സംവിധായകൻ അനിരുദിന്റെ ലൈവ് കോണ്സര്‍ട് ഉണ്ടാകും.
സൗത്ത് ഇന്ത്യയില്‍ ഷാരൂഖ് ഖാന് വേണ്ടി ഗംഭീര വരവേല്‍പ്പാണ് ഞങ്ങള്‍ ഒരുക്കുന്നത്”, എന്നാണ് ശ്രീ ഗോകുലം മൂവീസിന്റെ എക്സിക്യൂട്ടീവ് പ്രൊഡ്യുസര്‍ കൃഷ്ണമൂര്‍ത്തി പറഞ്ഞത്. അറ്റ്‍ലി ഒരുക്കുന്ന ചിത്രത്തില്‍ വിജയ് സേതുപതി, നയൻതാര അടക്കം വലിയൊരു താര നിര തന്നെ സിനിമയിലുണ്ട്. ദീപിക പദുകോണ്‍ ചിത്രത്തില്‍ ഒരു ഗസ്റ്റ് റോളില്‍ എത്തുന്നുണ്ട്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലൻ ചിത്രം കേരളത്തിലും തമിഴ്‌നാട്ടിലും വിതരത്തിനെത്തിക്കുന്നു.