പന്തളം: പന്തളം പാലസ് വെൽഫെയർ സൊസൈറ്റി ഏർപ്പെടുത്തിയിട്ടുള്ള കെ.രാമവർമ സാഹിത്യ പുരസ്‌കാരം 2023 ലേക്ക് 30 വയസിൽ താഴെയുള്ള സർവകലാശാല, കോളേജ് വിദ്യാർത്ഥികളിൽ നിന്ന് മലയാളത്തിലുള്ള ചെറുകഥകൾ ക്ഷണിക്കുന്നു. 10,001 രൂപയും ശില്പവും പ്രശസ്തി പത്രവുമാണ് പുരസ്‌കാരം. എട്ടു ഫുൾ പേജ്(എ4) കവിയാൻ പാടില്ലാത്ത ചെറുകഥയോടൊപ്പം രചയിതാവിന്റെ മേൽവിലാസവും ഫോൺനമ്പരും പ്രായവും സാക്ഷ്യപ്പെടുത്തുന്ന സർട്ടിഫിക്കറ്റിന്റേയും പഠിക്കുന്ന സ്ഥാപനത്തിന്റെ തിരിച്ചറിയൽ കാർഡിന്റെ സാക്ഷ്യപ്പെടുത്തിയ പകർപ്പും സ്വന്തം രചനയാണെന്ന സാക്ഷി പത്രവും ഉണ്ടാകണം.
പ്രസിദ്ധീകരിച്ച കഥകൾ അയക്കേണ്ടതില്ല. കഥകൾ ഭംഗിയായി എഴുതിയോ, ടൈപ്പ് ചെയ്‌തോ അയക്കേണ്ടതാണ്. പുരസ്‌കാരത്തിനായി സമർപ്പിക്കുന്ന കഥകൾ ആർ.കെ.ജയകുമാര വർമ, ജനറൽ സെക്രട്ടറി, പാലസ് വെൽഫെയർ സൊസൈറ്റി, പുത്തൻ പൂമുഖം കൊട്ടാരം, പന്തളം പി.ഒ, പത്തനംതിട്ട ജില്ല-689501, ഫോൺ-8921113535 എന്ന വിലാസത്തിൽ അയക്കുക.
പുരസ്‌കാരത്തിനുള്ള ചെറുകഥകൾ ലഭിക്കേണ്ട അവസാന തീയതി സെപ്റ്റംബർ 30 ആണ്. അയച്ച കൃതി തിരികെ ലഭിക്കണം എന്നാഗ്രഹിക്കുന്നവർ സ്റ്റാമ്പൊട്ടിച്ച സ്വന്തം മേൽവിലാസം എഴുതിയ കവറും രചനയൊടൊപ്പം അയക്കേണ്ടതാണ്. പുരസ്‌കാരം സംബന്ധിച്ച് പുരസ്‌കാര നിർണയ സമിതിയുടെയും, പാലസ് വെൽഫെയർ സൊസൈറ്റിയുടെയും തീരുമാനങ്ങൾ അന്തിമമായിരിക്കും