പത്തനംതിട്ട: ആശുപത്രിയിൽ ബഹളം വച്ചതിന് അറസ്റ്റിലായ പ്രതി എസ് ഐ യെ ആക്രമിച്ച് പരിക്കേൽപ്പിച്ചു.ആറൻമുള സ്റ്റേഷനിലെ എസ് ഐ സാജു പി ജോർജിനെയാണ് മദ്യപിച്ച് കോഴഞ്ചേരി ജില്ലാ ആശുപത്രിയിൽ അക്രമം കാണിച്ചതിന് കസ്റ്റഡിയിലെടുത്ത പ്രതി ആക്രമിച്ചത്. എസ് ഐ യുടെ വലത് കൈക്ക് ഒടിവുണ്ട്.കാഞ്ഞിരവേലി സ്വദേശി അഭിലാഷിനെയാണ് കസ്റ്റഡിയിൽ എടുത്തത്.
ചൊവ്വാഴ്ച്ച രാത്രി മദ്യപിച്ച പ്രതി കോഴഞ്ചേരി ജില്ലാ ആശുപത്രിയിൽ ബഹളം വയ്ക്കുന്നതായി പരാതി ലഭിച്ചതിനെ തുടർന്നാണ് ഡ്യുട്ടിയിലുണ്ടായിരുന്ന സാജു പി ജോർജ് ആശുപത്രിയിലെത്തി ഇയാളെ കസ്റ്റഡിയിലെടുത്തത്. ആറൻമുള പോലീസ് റ്റേഷൻ കെട്ടിടത്തിൻ്റെ രണ്ടാമത്തെ നിലയിലാണ് പോലീസ് റ്റേഷൻ പ്രവർത്തിക്കുന്നത്. താഴത്തെ നിലയിൽ നിന്നും പ്രതിയുമായി പടി കയറുന്നതിനിടെ പ്രതി സാജു പി ജോർജിനെ ആക്രമിക്കുകയായിരുന്നു. അടിയേറ്റ് വീണപ്പോഴാണ് കൈക്ക് ഒടിവുണ്ടായത്. ഉടൻ തന്നെ മറ്റ് പൊലീസുകാർ പ്രതിയെ പിടികൂടി.
കോഴഞ്ചേരി ജനറൽ ആശുപത്രിയിൽ പ്രവേശിപ്പിച്ച സാജു പി ജോർജിന് കൈയിൽ സ്റ്റീൽ റോഡ് ഇടുന്നതിനായി നാളെ ശസ്ത്രകിയ നടത്തും. കേസ് ഒതുക്കി തീർക്കാനുള്ള ശ്രങ്ങളും നടക്കുന്നതായി ആക്ഷേപമുണ്ട്.