തൃശൂർ: സംവിധായകനും തിരക്കഥാകൃത്തുമായിരുന്ന സച്ചിയുടെ പേരിലുള്ള സ്മാരക സമിതി നല്‍കുന്ന കവിത പുരസ്കാരത്തിന് കൃതികള്‍ ക്ഷണിച്ചു. 25,000 രൂപയും കീർത്തിമുദ്രയും അടങ്ങുന്ന പുരസ്കാരത്തിന് 2021 ജനുവരി ഒന്നിനും 2023 ഡിസംബർ 31നും ഇടയില്‍ ഒന്നാം പതിപ്പായി പ്രസിദ്ധീകരിച്ച കാവ്യകൃതിയുടെ മൂന്ന് കോപ്പി ഡിസംബർ ഒന്നിനകം പ്രഫ. എം. ഹരിദാസ്, ശ്രീപദം, മരുതൂർ ലെയിൻ, വിയ്യൂർ, തൃശൂർ-680010 എന്ന വിലാസത്തില്‍ അയക്കണം. ഡിസംബർ 28ന് സാഹിത്യ അക്കാദമിയില്‍ നടക്കുന്ന അനുസ്മരണ സമ്മേളനത്തില്‍ പുരസ്കാരം നല്‍കുമെന്ന് ചെയർമാൻ പ്രഫ. എം. ഹരിദാസും കണ്‍വീനർ സജിത രാധാകൃഷ്ണനും അറിയിച്ചു. ഫോണ്‍: 94009 34242, 82814 74235.