ഹരിപ്പാട്: പ്ലസ് വണ്‍ രണ്ടാം സപ്ലിമെന്ററി അലോട്‌മെന്റ് ഈയാഴ്ച നടത്തും. ആദ്യ സപ്ലിമെന്ററി അലോട്‌മെന്റ് പ്രകാരമുള്ള പ്രവേശനം കഴിഞ്ഞ ചൊവ്വാഴ്ച പൂർത്തിയായിരുന്നു. മെറിറ്റില്‍ മിച്ചമുള്ളത് 24,432 സീറ്റാണ്.
ഇതും അധികമായനുവദിക്കുന്ന 138 ബാച്ചിലെ 8,280 സീറ്റും ചേരുമ്ബോള്‍ ആകെ സീറ്റ് 32,712 ആകും. ഇതാണ് രണ്ടാം അലോട്‌മെന്റിന് പരിഗണിക്കുക. ഇതോടെ അപേക്ഷകർക്കെല്ലാം പ്രവേശനം കിട്ടിയേക്കും.
ഹയർസെക്കൻഡറി സ്കൂളുകളില്‍ വെള്ളിയാഴ്ച വരെ ചേർന്നത് 3,76,382 കുട്ടികളാണ്. ഇതില്‍ 2,92,911 പേരും ഏകജാലകംവഴി മെറിറ്റില്‍ പ്രവേശനം ലഭിച്ചവരാണ്. മറ്റു ക്വാട്ടകളില്‍ പ്രവേശനം ലഭിച്ചവർ: മാനേജ്‌മെന്റ്- 21,388, കമ്യൂണിറ്റി- 35,130 അണ്‍എയ്ഡഡ്- 21,312, സ്‌പോർട്‌സ്- 4,719, മോഡല്‍ റസിഡൻഷ്യല്‍ സ്കൂള്‍- 922, ആകെ- 3,76,382.