അന്തിക്കാട്: രണ്ടു വയസുകാരനെ വീടിന് സമീപമുള്ള പാടത്ത് വെള്ളത്തില്‍ മുങ്ങി മരിച്ച നിലയില്‍ കണ്ടെത്തി. പഴുവില്‍ വെസ്റ്റ് ജവഹർ റോഡില്‍ തറയില്‍ സിജൊയുടെ മകൻ ജെർമിയാണ് മരിച്ചത്.
ഞായറാഴ്ച വൈകീട്ട് 3.30 ഓടെയായിരുന്നു സംഭവം. കുട്ടിയെ കാണാതായതോടെ വീട്ടുകാർ അന്വേക്ഷിച്ചപ്പോഴാണ് വെള്ളം നിറഞ്ഞ പാടത്ത് മരിച്ച നിലയില്‍ കണ്ടത്. പഴുവിലിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചിരുന്നു.
വീടിന് സമീപത്തെ ഗെയ്റ്റ് ആരോ തുറന്നപ്പോള്‍ കുട്ടി അതു വഴി പാടത്തേക്ക് ഇറങ്ങിയതാകാമെന്നാണ് നിഗമനം. അന്തിക്കാട് പൊലീസ് മേല്‍ നടപടി സ്വീകരിച്ചു. മാതാവ്: സീമ. സഹോദരങ്ങള്‍: ജെയ്ഡൻ, ജോഷ്വ.