ശ്രീനഗർ: ജമ്മു കാഷ്മീരിലെ കുല്‍ഗാമിലുണ്ടായ ഏറ്റുമുട്ടലില്‍ രണ്ട് ഭീകരരെ വധിച്ചെന്ന് സൈന്യം. ഭീകരർക്കായി സൈന്യവും പോലീസും നടത്തിയ തെരച്ചിലിനിടെ വെടിവയ്പ്പ് ഉണ്ടാവുകയായിരുന്നു.
രണ്ട് മൃതദേഹങ്ങള്‍ കണ്ടെത്തിയെന്നും മരിച്ചവരെ തിരിച്ചറിഞ്ഞില്ലെന്നും പോലീസ് അറിയിച്ചു. കഴിഞ്ഞ ദിവസം പൂഞ്ചില്‍ വ്യോമസേനയുടെ വാഹനവ്യൂഹത്തിനു നേരെ ഭീകരർ വെടിയുതിർത്തിരുന്നു. ആക്രമണത്തില്‍ ഒരു സൈനികൻ വീരമൃത്യുവരിക്കുകയും നാലുപേർക്ക് പരിക്കേല്‍ക്കുകയും ചെയ്തിരുന്നു.