പത്തനംതിട്ട: പോലീസ് കസ്റ്റഡിയിലെടുത്തയാള്‍ സ്റ്റേഷനില്‍ കുഴഞ്ഞുവീണ് മരിച്ചു. അടൂര്‍ കണ്ണങ്കോട് ചരിഞ്ഞവിളയില്‍ ഷെരീഫാണ് മരിച്ചത്.മദ്യപിച്ച്‌ വാഹനമോടിച്ചെന്ന സംശയത്തില്‍ ആണ് പോലീസ് ഷെരീഫിനെ കസ്റ്റഡിയില്‍ എടുത്തെതെന്നാണ് റിപ്പോര്‍ട്ട്. പുതുവത്സരത്തോടനുബന്ധിച്ച്‌ സുരക്ഷാപരിശോധനകള്‍ പോലീസ് ഊര്‍ജിതമാക്കിയതിന്‍റെ ഭാഗമായി എസ്.ഐ മനീഷിന്‍റെ നേതൃത്വത്തില്‍ നടത്തിയ വാഹന പരിശോധനക്കിടെയാണ് ഷെരീഫിനെ കസ്റ്റഡിയിലെടുക്കുന്നത്.
മദ്യപിച്ചതായി സംശയം തോന്നിയ പോലീസ് ഇയാളെ തുടര്‍നടപടികള്‍ക്കായി സ്റ്റേഷനിലേക്ക് കൂട്ടികൊണ്ട് വരികയായിരുന്നു. സ്റ്റേഷനിലേക്ക് കയറുന്നതിന് മുമ്ബെ ഷെരീഫ് കുഴഞ്ഞു വീഴുകയായിരുന്നു. പിന്നാലെ അടൂര്‍ ജനറല്‍ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.