തിരുവനന്തപുരം: മാനവീയം വീഥിയില്‍ ക്രിസ്തുമസ് ആഘോഷിക്കാന്‍ എത്തിയ യുവാക്കളും പോലീസും തമ്മില്‍ സംഘര്‍ഷം. പൊലീസിന് നേരെ യുവാക്കള്‍ ആക്രമണം നടത്തി. സംഘര്‍ഷത്തില്‍ എഎസ്‌ഐ ഉള്‍പ്പടെയുള്ളവര്‍ക്ക് പരുക്കേറ്റു. സംഭവത്തില്‍ നാലുപേരെ പൊലീസ് കസ്റ്റഡിയിലെടുത്തിട്ടുണ്ട്.
മാനവീയം വീഥിയില്‍ ഇതിനുമുൻപും നിരവധി തവണ സംഘര്‍ഷം ഉണ്ടായിട്ടുണ്ട്. ഇതേതുടര്‍ന്ന് അധികൃതര്‍ ഇവിടെ നിയന്ത്രണം ഏര്‍പ്പെടുത്തിയിരുന്നു. എന്നാല്‍ ഇതിനെതിരെ മാനവീയത്തിലെ കലാകാരന്മാരുടെ കൂട്ടായ്മ നഗരസഭയ്ക്കും സിപിഎം ജില്ലാ സെക്രട്ടറിക്കും പരാതി നല്‍കി.
ഇതിനു പിന്നാലെ മേയര്‍ കഴിഞ്ഞ ദിവസം നിയന്ത്രണങ്ങളില്‍ ഇളവ് അനുവദിച്ചിരുന്നു. രാത്രി പതിനൊന്ന് വരെ മൈക്ക് ഉപയോഗിക്കാമെന്നും, പുലര്‍ച്ചെ അഞ്ച് വരെ മൈക്കില്ലാതെ കലാപരിപാടി വെക്കാനും അനുവാദം കൊടുക്കുകയായിരുന്നു.