നൂറനാട് :ക്രിസ്മസ് ന്യൂ ഇയർ പ്രമാണിച്ച് എക്സൈസിന്റെ സ്പെഷ്യൽ ഡ്രൈവ് ഭാഗമായിമാവേലിക്കര ,നൂറനാട് ഭാഗത്ത് വച്ച് . ബിവറേജ് ഔട്ട്‌ ലെറ്റുകളിൽ നിന്നും മദ്യം വാങ്ങി വിൽക്കുന്ന സ്ഥിരം കുറ്റവാളിഎക്സൈസ് പിടിയിൽ. വള്ളികുന്നം സ്വദേശി (44 )വയസ്സുള്ള ഷജീർ ആണ് 10 ലിറ്റർ ജവാൻ മദ്യവുമായി നൂറനാട് എക്സൈസിന്റെ പിടിയിലായത്. മദ്യം കടത്തിക്കൊണ്ടു വന്ന സ്‌കൂട്ടറും എക്സൈസ് കസ്റ്റഡിയിലെടുത്തു.
സ്ഥിരമായി ജവാൻ മദ്യം വില്പന നടത്തുന്നതിനാൽ ‘ ജവാൻ’ ഷജീർ എന്ന വിളിപ്പേരിൽ അറിയപ്പെടുന്ന ഇയാൾ കുപ്പിക്ക് 840 രൂപ നിരക്കിലാണ് മദ്യം മറിച്ചു വിറ്റിരുന്നത്. സ്‌കൂട്ടറിൽ കൊണ്ട് നടന്നുള്ള ഇയാളുടെ മദ്യ വില്പന കാരണം പൊതുസ്ഥലങ്ങളിൽ ആൾക്കാർ മദ്യപിച്ചു സ്ത്രീകളെയും കുട്ടികളെയും ശല്യം ചെയ്യുന്നതുമായി ബന്ധപ്പെട്ടു ധാരാളം പരാതികൾ എക്സൈസിന് ലഭിച്ചിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
നൂറനാട്എക്സൈസ് റേഞ്ച് ഓഫീസിലെ പ്രിവന്റീവ് ഓഫീസർ ബി.സുനിൽകുമാറിന്റെ നേതൃത്ത്വത്തിൽ ഉള്ള സംഘമാണ് ഇയാളെ അറസ്റ്റ് ചെയ്തത് .സിവിൽ എക്സൈസ് ഓഫീസർമാരായ അരുൺ ,പ്രകാശ്, അനു ,പ്രവിൺ, എന്നിവർ പങ്കെടുത്തു